Investigashon polushon di medio ambiente i salubridat na Boneiru
Na Boneiru tin polushon di medio ambiente na diferente kaminda. RIVM ta sondia na 2025 kua pregunta i preokupashon tin na e isla. A base di esaki RIVM ta skirbi un plan di akshon pa un investigashon independiente di medio ambiente i salubridat na Boneiru.
Meta di e investigashon
RIVM ta analisá e situashon aktual i kua pregunta i preokupashon konkreto tin. RIVM ta hasi esaki en kooperashon ku GGD Boneiru. Meta di e investigashon akí ta pa perkurá ku un posibel investigashon di medio ambiente i salubridat ta kuadra ku preokupashon i nesesidat di habitante di Boneiru.
Planifikashon di e investigashon
RIVM ta hasi e investigashon akí den e di dos parti di 2025. Na òugùstùs i sèptèmber investigadónan a papia ku diferente stakeholder i habitante ku tin di haber direktamente ku polushon di medio ambiente. Na òktober RIVM den kooperashon ku GGD Boneiru ta hasi un enkuesta mas ekstenso serka un grupo mas amplio di poblashon. Na fin di 2025 RIVM ta spera di por konsehá tokante e aserkamentu di un posibel investigashon di medio ambiente i salubridat.
Konseho independiente
Entidat Públiko Boneiru a duna e enkargo pa e investigashon akí. RIVM ta hiba un investigashon sientífiko i independiente. Esaki ta nifiká ku RIVM mes ta determiná e enfoke i ehekushon, i ku RIVM ta duna konseho independiente.