Di kon tèst di kanser na boka di matris ta importante?

Kanser na boka di matris ta manifestá mas tantu bou di hendenan muhé di 30 – 60 aña.
E tèst ta detektá HPV i sélulanan abnormal. Detekshon den un fase trempan ta hasi tratamentu i prevenshon posibel di sigui desaroyá su mes den kanker. Pesei partisipashon na e tèst ta asina útil i importante.

Ken por partisipá?

Den un periodo di 3 aña, desde último lunanan di 2022, tur hende muhé entre 30 i 60 aña ta keda invitá pa un tèst gratis. Partisipashon ta riba un base boluntario.

E investigashon 

Bo ta risibí un invitashon pa trahá un sita pa un tèst na e ofisina di bo dòkter di kas. E pap-tèst mayoria di biaha ta wordu hasí dor di e asistènt di dòkter of e dòkter mes. E (e asistènt di dòkter) dòkter lo hasí bo promé algun pregunta. Despues (e asistènt di dòkter) e dòkter ta kohe ku un borstel un tiki sleimvlies di e boka di e matris. Pa e tèst mes ta usá un instrumento speshal: e speculum. Despues di 4 siman bo ta risibí e resultado.

Ehekutashon di e skrinen die poblashon di kanser na boka di matris na Boneiru.

RIVM na nòmber di e ministerio di Salubridat, Bienestar Sosial i Deporte, ta responsable pa e organisashon. E koordinashon i supervisashon di e programa ta e responsabilidat di RIVM. E instansia RIVM ta kolektá e datosnan pa garantisá e kalidat. Aserka RIVM ta desaroyá e material di informashon, manera por ehèmpel e foyeto di invitashon.

• RIVM ta responsabel pa ehekutashon di e skrinen di poblashon. Nan ta invitá e partisipantenan via di un karta di invitashon i ta informá nan despues di e resultado di e tèst. Tambe nan lo monitorea òf (den kaso ku ta nesesario) si mester duna kuido despues.
• E tèst di e pap-tèst na e Boka di matris ta wordu hasí dor di e dòkter di kas òf e asistènt di dòkter.
• E pap-tèstnan ta wordu analisá den laboratorio.
• E dòkternan di kas ta duna informashon tokante e skrinen i ta konsehá e damanan ku mester di un investigashon mas aleu.
• Un investigashon mas aleu ta wordu hasí dor di e (asistènt di e) dòkter di kas òf ginekólogo na hospital.

Pregunta? Sigui pa e preguntanan mas hasi tokante skrinen di poblashon pa kanser na boka di matris na Boneiru.