Di kon skrinen di poblashon pa kanser na pechu

Un di kada shete dama na Hulanda (Europeo) ta haña kanser di pechu. E skrinen di pobalshon tin komo meta pa deskubrí kanser di pechu den un fase tempran. Mas lihe deskubrí, mas grandi e chèns ta pa un tratamentu eksitoso. Hopi biaha tambe un tratamentu menos riguroso ta necesario.

Pa ken

Tur damanan na Boneiru di 50 pa 75 aña di edat por partisipá kada pasa dos aña. Pa ku esaki bo lo risibí un invitashon via post. Si bo no a risibí un invitashon, pero sí ta kai den e grupo di edat aki, i no ta bou di tratamentu pa kanser di pechu, bo por mèldu bo mes via e koordinadó di skrinen of e dòkter di kas.

Kon e investigashon ta tuma lugá

E investigashon ta tuma lugá na Hospital Fundashon Mariadal. E laborant ta traha 2 röntgenfoto di kada pechu. Dos radiólogo die skrinen na Hulanda lo husgá e potretnan. Nan lo wak si tin desviashon den e pechu(nan). Den 2 siman bo ta risibí e resultado di bo dòkter di kas of e koordinadó di skrinen. Si tin desviashon of si e röntgenfoto no ta duna sufisiente informashon, un investigashon mas aleu ta necesario.

Partisipashon ta gratis i boluntariamente.

Ken ta hasi e skrinen di poblashon?

• RIVM (Rijksinstituut voor Volksgezondheid en Milieu) na nòmber di e Ministerio di VWS (Ministerie van Volksgezondheid, Welzijn en Sport) ta responsabel pa e organisashon. RIVM ta trahá e material di informashon. Aserka RIVM ta pone e eksigensianan na kual e skrinen di poblashon. Mester kumplí kune.
• E organisashon lokal pa skrinen ta responsabel pa ehekutashon di e skrinen di poblashon. Nan ta manda e invitashonnan i e resultadonan. Tambe nan ta kontrolá si kada partisipante ku a keda referí, a visita hospital pa un investigashon mas aleu. I nan ta kolektá datosnan di e sector di kuido.
• laborantenan di hospital Fundashon Mariadal ta traha e mamografía pa e skrinen. E Sentro di ekspertisio pa investigashon den komunidat (LRCB) ta responsabel pa e preparashon di e profeshonalnan i e kalidat di e skrinen.
• Radiológonan speshal pa skrinen di Amsterdam UMC (Universitair Medisch Centrum) lo huzgá e röntgenfoto’s di e pechunan (mammogram).
• E dòkternan di kas ta duna informashon tokante skrinen di poblashon i ta konsehá e damanan ku mester di un investigashon mas aleu.
• Si un investigashon of tratamentu ta nesesario, lo wak si e damanan por wordu yudá den e hospital FM na Boneiru, Korsou, Aruba òf na Hulanda.

Pregunta? Sigui pa e preguntanan mas hasi tokante skrinen di poblashon pa kanser na pechu na Boneiru.